திகைப்பு ...

நந்தன் ஸ்ரீதரன் 

ஈரமான ஒரு பதிவு, பகிர்வு...

சட்டக்கல்லூரி மாணவர்களின் வன்முறையைப் பார்த்து திகைத்த பொதுஜனங்களில் நானும் ஒருவன்.. ஈவு இரக்கமற்ற அந்தக் கொடுமையைப் பார்த்து நிலைகுலைந்து போனேன்.. பத்திரிகைகளில் வந்த செய்திகளைத் தாண்டி உண்மைகள் என்ன என்பதை விசாரித்தறிந்தபோது நான் மேலும் விதிர்விதிர்த்தும் அருவெறுத்தும் போனேன்.. அந்த வன்முறைக்குப் பின்னால் ஊடோடி இருந்த சாதியத்தை கேள்விப்பட்டு நான் மனம் கூசிப் போனேன்..

பிரியத்துக்குரிய நண்பர் ஒருவர் மலேசிய பள்ளியொன்றில் ஒரு மாணவியை இன்னொரு மாணவி கொடுஞ்சொற்கள் பேசி அடிப்பதையும் அதை மற்ற மாணவிகள் ரசித்துப் பார்த்து வீடியோ எடுப்பதையும் பதிவிட்டிருந்தார்.. பார்த்ததும் மனம் பதைத்துப் போகிற வீடியோதான் அது..

ஆனால் அதில் ஒலிக்கும் குழந்தைகளின் வார்த்தைகளை கவனிக்கிறபோது எனக்கு சட்டக்கல்லூரி சம்பவங்கள் தவிர்க்க முடியாமல் நினைவுக்கு வருகின்றன..

இதை விட சின்னஞ்சிறுமியர் இதைவிட கெட்ட கெட்ட வார்த்தைகளை உதிர்ப்பதையும் இதைவிட வன்மத்துடன் நடப்பதையும் எங்கள் ஊர்ப்பக்கம் பார்த்தவன்தான் நான்..

இந்த வீடியோவைப் பொறுத்த வரை அதன் அடிப்படையில் இருக்கும் பிரசசினையைப் பார்க்காமல் வெறும் வீடியோவைப் பார்த்து மட்டும உணர்ச்சிவசப்பட நான் தயாராக இல்லை..

ஏனென்றால் மேதினியில் இட்டார் பெரியோர் இடாதார் இழிகுலத்தோர் என்று நான் தீவிரமாக நம்புகிறேன்..

அடிக்கப்பட்ட குழந்தை, அடித்த குழந்தை இருவருக்குமான வருத்தங்களுடனும் பிரியங்களுடனும்..

நானேதான்..

நந்தன் ஸ்ரீதரனின் எழுத்து ஈரத்திற்காக பகிர்ந்தேன்..
தோழரின் வலைப்பூ...
http://asistantdiraktar.blogspot.in/