காப்டன் அமரிக்கா - வின்டர்ஸ் சோல்ஜர்

காப்டன் அமெரிக்கா உண்மையில் தொண்ணூற்று ஐந்து வயதான ஒரு வேகம் மிக்க இளைஞர். சில ஆய்வுகளின் விளைவாக இவர் சில சிறப்பு திறன்களை அடைகிறார்.



இந்தப் பார்ட்டில் அய்யா அதகளம் பண்ணியிருக்கிறார். இந்தப் படம்  வில்லிங் சஸ்பென்சன் ஆப் டிஸ்பிலீப் என்ற வகையைச் சார்ந்தது. எனவே லாஜிக்கை தூக்கி ஓரமாக வைத்துவிட்டு பார்க்கவேண்டும்.

பாப்பா கதை என்றாலும் அதற்கான மெனக்கெடல் நிச்சயமாக பாரட்டுக்கு உரியது.

அவன்ஜரின் அத்துணை படங்களிலும் ஷீல்ட் அமைப்பின் தலைவராக வந்த சாமுவேல் எல் ஜாக்சன் இந்தப் படத்தில் ஆக்சன் போர்சனில் பட்டாசு கொளுத்தியிருக்கிறார்!

நான்கு கார்கள் தனது முரட்டு செவர்லேவை நாற்புறமும் மோதி நிறுத்தியபின்னர் எடுக்கிறார் பாருங்கள் ஒரு ஆக்சன் அவதாரம் அடி தூள். படத்தில் நான் வெகுவாக ரசித்து பார்த்த ஆக்சன் போர்சன் இது.

படத்தின் கதை இதுதான் உலகை சர்வதிகாரம் செய்ய ஹைட்ரா அமைப்பு தனது எதிரி அமைப்பான ஷீல்டை ஊடுருவி அதனையே தனது கருவியாக பயன்படுத்துகிறது.

உலகை அடிமைப்படுத்தியாள நினைக்கும் ஹைட்ரா வெற்றிபெற்றதா என்பதே கதை.

தனக்காக உயிர்கொடுத்து இரண்டாம் உலகப் போரில் இறந்து போன தனது நண்பனை மீண்டும் உயிருடன் சந்திக்கும் காப்டன் அமெரிக்கா எப்படி அந்த அதிர்ச்சியை எதிர்கொள்கிறார் என்பது ஒரு ட்விஸ்ட்.

பால்கன் காரெக்டரில் நடித்திருக்கும் அந்தோணி மாக்கீ தமிழ் நடிகர் போலவே செட்டகிவிட்டார். டப்பிங் வாழ்க! இது ஒரு வாவ் விசயம்! படம் வெற்றி பெற்றால் அதற்கு அந்த டப்பிங் கலைஞர்தான்  காரணம். நிச்சயம் விருதுக்கு உரியவர். வசனம் எழுதியவரையும் சேர்த்துத்தான்.

காப்டன் அமெரிக்கா, ப்ளாக் விடோ, நிக் ஜே. பியுரி என்ற கதாபாத்திரங்கள் மீண்டும் ஒரு முறை உங்கள் நேரத்தை உங்கள் அனுமதியுடன் திருட வந்திருக்கும் படம் இது. மகிழ்வுடன் அனுமதிக்கலாம்.

கிரிஸ் எவான்ஸ் காப்டன் அமெரிக்காவாக வருகிறார். அதி பராக்கிரம வில்லன் செபாஸ்டின் ஸ்டான்.

கடைசியாக ஒரு விசயம்

மார்வல் காமிக்ஸ் நிறுவனம் தனது கதாபாத்திரங்களை லாபமோ நட்டமோ கருதாது தொடர்ந்து சில திரைப்படங்களின் மூலம் உலகிற்கு தந்துகொண்டே இருக்கிறது.

தோர்(இரண்டு பாகங்கள்), அயர்ன் மேன்(மூன்று பாகங்கள்), ஹல்க்(2 பாகங்கள்) அப்புறம் காப்டன் அமேரிக்கா (இரண்டு பாகங்கள்). பின்னர் இந்தக் கதா பாத்திரங்கள் எல்லாம் இணைந்து கலக்கும் அவன்ஜெர்ஸ் என்று ஒரு படம். தனது படைப்பிற்கு ஒரு விரிவான தளத்தை லாப நாட்ட நோக்கில்லாமால் உருவாக்குவதை நான் கவனித்தேன். பிராண்ட் கிரியேசன் மற்றும் எக்ஸ்பான்சன்?

இதில் இருந்து தமிழ்த் திரை படிப்பதற்கு நிறைவே இருக்கிறது.

ஒரு பிராண்டை உருவாக்கி அதை வணிகப் படுத்தும் கலையை நம்ம ஆட்கள்  இன்னும் சிந்திக்கவே இல்லை. (ஒரு படம் எடுக்கவே உன்னைப் புடி என்னைப் புடின்னு சிரமப்படுவதால் இருக்கலாம்!)

அன்பன்
மது