முருக பாரதி என்றோர் ரோல் மாடல்.

நசீர் தலைமை உரை

பீகாக் வரிசைப் பயிற்சிகளில் லீடர் ஷிப் 360 டிகிரி என்கிற பயிற்சி மண்டலப் பயிற்சியாளர்ஜே.சி. முருகபாரதிவசம்.

முன்னாள் தலைவர் ஜெசி. நசீர்  அவர்கள்சிறப்பு விருந்தினாராக  கலந்துகொண்ட பயிற்சி.

பாரதி பயிற்சி அளிப்பதில்  பத்தாயிரம் மணி நேரத்தை கடந்தவர். பயிற்சி எப்படி இருக்கும் என்று சொல்லத் தேவையில்லை. சமீபத்தில் குரலுக்கான ஒரு அறுவை சிகிச்சை செய்துகொண்ட அவர் கொஞ்சம் மென்மையாக பேசுவார் என்று பார்த்தேன்.

மனிதர் கொடுத்த சவுண்டில் சுவரின் காரை பெயர்ந்து விட்டது. அதுதான் பாரதி.

தன்னைத் தலைவன் என்று நினைக்கும் அனைவருமே தலைவர்கள்தான். தலைவர்கள் பிறப்பதில்லை. அவர்கள் தங்களை தாங்களே உருவாக்கி கொள்பவர்கள். 

தலைவர்கள் தங்கள் பலங்களை முன்னிலைப் படுத்துபவர்கள். தங்கள் குறைகளைக் குறித்தே கவலை கொண்டிருந்தால் அவர்களால் தலைவர்களாக ஜொலிக்க முடியாது. 

ஒரு மக்கள் குழுத் ஒருவனைத் தலைவனாக ஏற்றுக் கொள்கிறது என்றால் அவன் தனது பிம்பத்தை அவர்களிடம் அப்படி பதியவைத்திருக்கிறான் என்பதே உண்ணமை. தங்களின் பலங்களை மட்டும் வெளிச்சமிட்டுக் காட்டி தங்களின் பலவீனங்களை வெளிக்காட்டாததே அவர்களின் வெற்றிக்கு காரணம்.

லீட் அப், லீட் அக்ராஸ் மற்றும் லீட் டவுன் என்கிற விஷயங்களைத் தெளிவாக உதாரணங்களுடன் விளக்கினார்.

தலைமைப் பண்பின் ஐந்து நிலைகள் 

ஒன்று - பதவி இதில் கிடைக்கும் உரிமைகளின் காரணமாக மற்றவர்கள் தலைவனைத் தொடரும் கீழ்படியும் நிலை.

இரண்டு -சுமூக உறவு - கீழே இருப்பவர்களோடு சமூக உறவைப் பேணுவதால் அவர்கள் விரும்பி தலைவனுக்கா உழைக்கும் நிலை. மிகக் கவனமாக இருக்க வேண்டிய நிலை இது. (அசந்தால் தலயில் மிளகாய் அரைத்துவிடும் அபாயம் இருப்பதால்).

மூன்று - உற்பத்தி - நிறுவனத்திற்காக தலைவன் கொடுக்கும் உழைப்பினால் விளையும் நல்ல பலன்கள். இது குழு உணர்வைத் தூண்டும். 

நான்கு - அடுத்தவரை வளர்த்தல் - இன்றய அரசியல் சூழ்நிலையில் முற்றிலும் இல்லாத பண்பு இது. ஆனால் நல்ல தலைவனுக்கு இது அவசியம். 

ஐந்து - நலப்பண்புகளை வெளிகாட்டுதல். நீங்கள் யார் என்று உங்கள் நலப்பன்புகளை மட்டும் வெளிப்படுத்தல்.

லீடர்ஷிப் குறித்த நல்ல தகவல்களை பகிர்ந்துகொண்ட அவர் சொன்ன ரோல் மாடல் அனுபவம் நெகிழ்வு.

ராகவேந்திரன் என்கிற எட்டாம் வகுப்பு மாணவன் இவரது ரோல் மாடல்! ஏன்? ராகவ் ஒருமுறை ஜாலியாக சைக்கில் ஒட்டிக்கொண்டிருந்த போழுது நடந்த  சாலை விபத்தில் ஒரு லாரி அவனது ஒரு காலில் ஏறி விட்டது. 

பிதுங்கிய சதையை எடுத்து திணித்துக் கொண்டு நொண்டி நொண்டிவீட்டிற்கு போய் அப்பா வாங்க ஆஸ்பத்திரிக்கு. என்மேல் லாரி ஏறிவிட்டது என்று சொல்லி மருத்துவமனை சென்று மீண்டிருகிறான். 

உடல் முழுதும் கம்பிகளோடு கிடந்த அவனிடம் ரொம்ப வலிக்குதா என்றபொழுது இல்லை அடுத்த மாதம் எனக்கு இன்னொரு ஆப்பரேசன் அதில் இந்தக் கம்பியெல்லாம் எடுத்துடுவாங்க நா திரும்ப சைக்கில் ஓட்டுவேன் என்று சொல்லியிருக்கிறான். 

ஒரு எட்டாம் வகுப்பு மாணவன் இத்துணைத் தன்னம்பிக்கையோடு இருக்கும் செய்தியைக் கேட்ட பாரதி தனது அதிர்ச்சியில் இருந்து மீண்டிருக்கிறார். 

ஏன் என்றால் முழுக்க முழுக்க குரலை சார்ந்த பயிற்சி துறையைத் சேர்ந்த பாரதி மருத்துவர்களால் பேசக்கூடாது என்று அறிவுறுத்தப்பட்டு அறுவை சிகிச்சை செய்துகொண்டவர்.  இவரை  ராகவின் அந்த பதில்  மீட்டு மீண்டும் மேடைகளுக்கு வரவழைத்து விட்டது ! 

என்ன நீங்கள் ரோல் மாடல்களைத் தேர்ந்தெடுத்துவிட்டீர்களா?

அன்பன்
மது