வண்ணதாசன் பிறந்த நாள் தொகுப்பு

சமூக வலைதளங்களில் எல்லோராலும் எளிதாக நெருங்க முடிகிற அண்மையில் இருக்கும் பிரபலங்கள் சிலரே.

அவர்களில் வண்ணதாசன் முதன்மையானவர். 

நான் அவ்வளோ பெரிய கவிஞர் எப்படி முகநூல் பக்கமெல்லாம் வருவார் என்று ஆரம்பத்தில் குழம்பினேன் மனிதர் வந்ததில் இருந்து எனது முகநூல் அனுபவங்களே மாறிவிட்டன. 

பின்னே எந்த வெகு ஜன ஊடகமும் இல்லது நேரடியாக ஒரு படைப்பாளியின் கவிதைகளை படிக்க கிடைக்கும் வாய்ப்பு சாதரணமானதா? 

கவிஞர் கல்யாண்ஜி என்கிற வண்ணதாசனின் பிறந்தநாள் இன்று.

இனிய பிறந்த நாள் வாழ்த்துக்கள் அய்யா. 

தமிழ் எனும் வண்ணத்தட்டில் இருந்து இன்னமும் அறியப்படாத வண்ணங்களை முகநூலில் தொடர்ந்து தீட்டுங்கள்..

 நீங்களும் தொடர https://www.facebook.com/vannadasansivasankaran.s

அய்யாவின் கவிதை ஒன்று

நீங்கள் மலை ஏறுகிறீர்கள்.
சிகரம் சிகரமாகத் தொடுகிறீர்கள்.
உங்கள் கொடிகளைப் பறக்கவிடுகிறீர்கள்.
உங்கள் கைலாயம் 
உங்களுக்கு வசப்பட்டுவிடுகிறது.
எந்த மலையிலும் நான்
ஏற நினைத்ததில்லை.
நீண்ட தூரத்தில் இருந்து 
நெடுங் காலமாக
நீலமலை பார்க்கிறேன்.
என்னைப் பார்த்துச்
சிரித்து நிற்பவனும்
ஈசனாகத்தான் இருக்கவேண்டும்.