வலைப்பதிவர் மாநாடு ஆலோசனைக் கூட்டம்

வணக்கம் 

கடந்த வாரம் பாரி மழலையர் பள்ளியில் வலைப்பதிவர் சந்திப்பிற்கான மூன்றாவது ஆலோசனைக் கூட்டம் நிகழ்ந்தது. 

புதுகையின் பெரும் இலக்கிய ஆளுமைகளோடு நானும் கலந்துகொண்டேன். பல்வேறு விவாதங்கள் நடந்தன. மூத்த பதிவர்கள் நிகழ்வைத் திட்டமிடும் கவிஞர் முத்துநிலவன் அண்ணா மற்றும் கவிஞர் பொன்.கா அவர்களின் பெயரில் வங்கியில் கரண்ட் அக்கவுண்ட் ஒன்று தொடங்க தீர்மானிக்கப் பட்டது.  மின்னஞ்சல் குழு, நிர்வாகிகளுக்கான வாட்சைப் குழு ஒன்றையும் துவக்கினோம். 

நிகழ்விலேயே தொடர்புக்கான மின்னஞ்சல் தொடங்கப்பட்டது. துவக்கியவர் ஸ்ரீ மலையப்பன்.  நிகழ்விலேயே வாட்சப் நிர்வாகக் குழுவும் துவக்கப்பட்டது.  வாட்சப் வித்தகர் பாண்டியன் அவையிலேயே துவக்கியது அருமை. 

சொன்னபடி இந்த வாரம் கரண்ட் அக்கவுன்ட் தொடங்கப்பட்டுவிட்டது. நிகழ்விற்கான நிதி இனி வரும் என்று நம்புகிறேன். 

நிகழ்வின் முதல் நிதி ஆதாரத்தை கொண்டுவந்து சமர்பிக்க அடுத்த அறைக்கு சென்ற பாரி மழலையர் பள்ளி திருமதி.கருணைச்செல்வி அவர்கள்  திரும்ப வருவதற்குள் தேவதா தமிழ் முதல் நன்கொடையாளர் என்கிற பட்டதை தட்டிவிட்டார்!  இவர்களுக்குப் பின்னர் நன்கொடை நோட்டு பெயர்களால் நிரம்பத் துவங்கியது. 

அனைவருக்கும் நன்றிகள். 

விழா ஏற்பாடுகளுக்காக நிலவன் அண்ணாத்தே உள்ளூர் சங்கங்களைத் தொடர்புகொள்ள போகலாம் யார் வரிங்க என்று கேட்டதும் முதல் ஆளாக கவிஞர் வைகறை பெயர்கொடுத்திருக்கிறார்.

அடுத்த கூட்டத்தில் இருந்து தொடர்ந்து நண்பா அறக்கட்டளையின் பயிற்சி அரங்கில் நடத்திக் கொள்ள அனுமதி கிடைத்திருக்கிறது. நிரந்தரமாய் அணி அங்கேயே செயல்படலாம் என்றாலும் உறுப்பினர்களின் வசதியையும் கருத்தில் கொள்ளவேண்டும். 

ஒரு பெரும் நிகழ்வை நடத்த எத்துணைத் திட்டமிடல்கள் வேண்டும் என்பது கிளர்வூட்டும் கேள்வியாய் முன்னிற்கிறது. 

இனி பதிவுகள் ஏற்பாடுகள் குறித்து பேசும் 

தொடர்ந்து ..

நீங்க வரீங்கதானே?  

புதுகை உங்களை அன்புடன் வரவேற்கிறது.