நடிகர் சங்கத் தேர்தல் விஷாலின் விஸ்வரூபம்

ஒற்றைக் குரல் என்ன மாற்றத்தை ஏற்படுத்திவிட முடியும்?

மாற்றங்களுக்கான குரல்களின் குரல்வளைகளை எப்போதும் அழுத்துகிற முதல் கேள்வி இதுவாகத்தான் இருக்கும்.

நம்ம பேசுற அளவிற்கு இது வொர்த்தா மச்சான் என்று மதுரைத் தமிழன் கேட்பது எனக்கும் கேட்கிறது.



போகிற போக்கில் இவனுகளுக்கு ஒரு சங்கம் அதுக்கு ஒரு எலக்சன் என்று போட்டுதாக்கும் முகநூல் நண்பர்கள் எந்த தளத்தில் இருந்து பேசுகிறார்கள் என்று வியப்பினூடேதான் என் கோணத்தையும் பதிவு செய்ய வேண்டியிருக்கிறது.

நாட்டின் எரிகிற பிரச்னைகளை கொஞ்ச நாட்களுக்கு ஒத்திவைத்துவிட்டு எல்லா ஊடகங்களும் இந்தத் தேர்தல் குறித்தே பேசினார்கள்.

இறுதியில் நான் விரும்பிய ரிசல்ட்தான் வந்திருக்கிறது.

உங்களுக்குதெரிந்த குற்றச்சாட்டுக்கள், எதிர்வினைகள் எல்லாவற்றையும் விட்டுவிடுவோம் விஷாலின் தனிமனித துவக்கத்தையும் கூட்டு வெற்றி வியூகத்தைப் பார்ப்போம்.

மூன்று ஆண்டுகளுக்கு முன்னர் விஷால் தனது எதிர்ப்புக் குரலை பதிவு செய்கிறார். கொஞ்சம் கொஞ்சமாக ஒத்த கருத்துடைய நண்பர்களின் ஆதரவைத் திரட்டுகிறார், இயக்கமாக வளர்கிறார், தனியாக மிரட்டலைச் சந்திக்கிறார், சட்டரீதியாக மிரட்டலைச் சந்திக்கிறார், தேர்தல் அன்று அடிபடுகிறார், ரிசல்ட் மாறிவிடாது இருக்க விழிப்போடு இருக்கிறார், பதவிக்கு வருகிறார்.

இது  நல்ல அரசியல் செய்ய விளையும் நம் இளைஞர்களுக்கும் பொருந்தும்.

பொதுவாழ்க்கை வெற்றிச் சூத்திரம் அல்லவா இது.

படிக்க வேண்டுமென்றால் எங்கிருந்தும் பாடங்கள் கிடைக்கும்.