ஆசை அதிகம் வைச்சு ..

தொடர் பதிவில்  இணைக்கும் நண்பர்களுக்கு ஒரு சிரம் தாழ்ந்த  வேண்டுகோள். பதிவர்களின்  மனவோட்டம் தெரிந்து தொடர்  இணையுங்கள்.

இந்தியாவில் கடவுள்  இருக்கும் சாத்தியங்கள் மிகவும் குறைவு. ஒருவேளை  யார்  கண்ணில்லாவது  தென்பட்டால்  அவன் அடிபட்டு சாகும் சாத்தியம்தான்  அதிகம்.



பெரிய மனதுடன் உங்கள் ஆசைகள்  என்று  விதியைத் தளர்த்திய நண்பர்களுக்கு ஒரு பூங்கொத்து.

எத்தனையோ நிறைவேறாத  ஆசைகள்  இருக்கிறது. கல்வியில் மாற்றங்கள் அவற்றில் ஒன்று.

டொமோயி ஹாகுன் போல  ஒரு  பள்ளியை  நிறுவி நடத்தினால் மகிழ்வு இருக்கும்.

எத்துணைத்  தயாரிப்புகளுடன்  செய்ய வேண்டிய பணி அது.

குறைந்த பட்சம் நீண்ட நேரம் மாணவர்கள் சுயகட்டுப் பாட்டுடன் கற்றலுக்கு பயன்படுத்தும் ஒரு கணிப்பொறி ஆய்வகம்.

மாணவர்களுக்கு எப்போதும் திறந்திருக்கும் ஒரு நூலகம்.

மொழித்தேர்வுக்கு செயல்முறை தேர்வும் அதற்கு மதிப்பெண்ணும் கேட்டுக்கொண்டே இருக்கிறோம்.

அடுத்த கல்வி ஆண்டிலாவது சாத்தியமானால் மகிழ்வு.

இப்படி பணி சார்ந்த ஆசைகள் பத்து என்ற எண்ணிக்கையில் சாதரணமாக அடங்கிவிடக் கூடியதா என்ன?

பொதுவான  ஆசைகளை சொல் என்பவர்களுக்கு

பெரும் திரளுக்கு மதம் குறித்த விழிப்புணர்வும், முட்டாள்த்தனமான மத வெறியும் இல்லாத ஒரு விடியல் ..

அவ்வளவு எளிதாக நிறைவேறிவிடுமா என்ன நமது ஆசைகள்.