மலர்த்தரு திரைவிமர்சன வலைப்பூவா?

மச்சான் டீஜ் துரை என்ன ஒரே இங்லிபீஸ் படமா பார்த்துட்டு விமர்சனமாக எழுதுறியேப்பா என்றார்.



அவர் மட்டுமல்ல இன்னும் பலரும் கேட்க ஆரம்பித்து விட்டார்கள்.

எனவே ஒரு சின்ன விளக்கம்.

எனது நண்பர் முனைவர் பிரபு பிள்ளை ஒரு நாளைக்கு இரண்டு திரைப்படங்களைப் பார்ப்பவர். அவர் தரமான படங்களின் பட்டியல் ஒன்றை எப்போதும் தயாராக வைத்திருப்பார்.

அடியேனுக்கும் திரைப்படம் பார்க்கும் பழக்கம் உண்டு.

ஒரு அடிக்சன் போலவே.

இதுவரை எழுத வேண்டும் என்று நினைத்து தலைப்பிட்டு துவங்கி டிராப்ட்டில் இருக்கும் திரைப்படங்களின் எண்ணிக்கை சுமார் நாற்பது இருக்கும்.

எப்போது நேரம் கிடைக்கிறதோ அப்போது நான் அவற்றை நிறைவு செய்து வெளியிடுகிறேன்.

தற்போதைக்கு ஒரு நாளைக்கு ஒரு பதிவு என்கிற கட்டாயத்தில் இருப்பதால் ஆண்டுக்கணக்கில் தூங்கிய பல ட்ராப்ட்கள் பதிவுகளாக வெளிவருகின்றன.

பிரஸ்டீஜ் எழுதத் துவங்கியது இரண்டாயிரத்து பதினாலாம் ஆண்டில்.

இந்த மாதம்தான் வெளியிட முடிந்தது.

மற்றபடி முன்போல் திரைப்படங்களைப் பார்க்க முடியவில்லை என்கிற வருத்தம் இருந்தாலும் ஒரு நாளைக்கு ஒரு படம் என்கிற விதத்தில் பதிவிறக்கம் மட்டும் சுணக்கம் இன்றி நடக்கிறது.

நேரம் கிடைக்கும் பொழுது பார்த்து பின்னர் நேரம் கிடைக்கும் பொழுது எழுத வேண்டும்.

இதைவிட நெடுநாட்களாக எழுத நினைத்திருக்கும் பதிவுகளில் நினைவாற்றல் பயிற்சிப் பதிவுகள், நூல் அறிமுகப் பதிவுகள் என பல பதிவுகள் காத்திருப்பில் இருகின்றன.

வேறு ஒன்றும் இல்லை காணொளிப் பதிவராக அவதாரம் எடுக்கலாம் என்றால் மைக் இருந்தால் காமிரா இல்லை, காமிரா இருந்தால் மைக் இல்லை என்கிற ரீதியில் போகின்றன நாட்கள்.

நேர்த்தியான பல கவிதை நூல்களின் விமர்சனத்தை கானொளியில் தர வேண்டும் என்பதால் காலம் போனது தான் மிச்சம் . நூல்களின் அடுத்த பதிப்புகள் வருவதற்குள் மரியாதையாக எழுதிவிடுவது நல்லது.

எனவே மலர்தரு ஆங்கிலத் திரைப்பட அறிமுகத்தளம் மட்டும் அல்ல

அல்ல

அல்ல

என்று சொல்லிக் கொண்டு

விடைபெறுகிறேன்

மீண்டும் சந்திப்போம்

அன்பன்

மது

ஓகேயா மச்சான்