மூடினாலும் தகறாரா?

டாஸ்மாக் கடைகள் மூடல் குறித்து ஒரு தகவல்..

எங்கள் மாவட்டத்தில் அர்பணிப்போடு பணியாற்றும் தமிழாசிரியை ஒருவர் இருக்கிறார்.

காலை வீதிக் கூட்டத்திற்கு வந்த அவர் கொஞ்சம் சோகமாக இருக்கவும் காரணம் கோரினோம்.


பகிர்ந்தார்.

பதினாறு வயதிலேயே அவரது மாணவி ஒருவருக்கு திருமணமாகிஇருக்கிறது...

அவருக்கு இரண்டு வயதில், ஆறுவயதில், எட்டு வயதில் என மூன்று குழந்தைகள்.

இருநாட்கள் முன்னர் கணவர் தூக்கிட்டு இறந்துவிட்டார்.

காரணம்

டாஸ்மாக் கடைகள் மூடப்பட்டதால் சரக்கு வாங்க வழியில்லையாம்.

மது அடிமைத்தனம் ஒரு தகப்பனை எப்படிப் பொறுப்பற்று செயல்படவைக்கிறது என்பதை நினைத்து வேதனை ஒருபக்கம் இருந்தாலும்

அரசு உடனடியாக மீட்பு சிகிச்சை மையங்களை ஆரம்பித்தே ஆகவேண்டிய நிலையில் இருக்கிறது..

ஆனால் என்ன இதை சுப்ரீம் கோர்ட்தான் சொல்ல வேண்டும்.

அதுவரை தாலிகள் இறங்கிக் கொண்டுதான் இருக்கும் ...

#தமிழன் என்று சொல்வோம்