வீட்டில் வைத்துக்கொள்ளக்கூடாத பரிசு

ஒரு காலத்தில் அரசுப் பணியில் இருந்து ஓய்வு பெறுவோருக்கு சின்னத் திமிர் இருக்கும்.

இப்போது கருணை அடிப்படையில் வாரிசுகளுக்கு பணியும் கிடையாது...(பாதிபேர் சர்வீசில் போய்ச்சேர்ந்துவிடுகிறார்கள், தேர்தல் பணியில் உயிரிழந்தோர் நினைவில் இருக்கிறார்களா என்ன ?)

அப்பா அப்படி ஓய்வு பெற்றபொழுது ஒரு விசயத்தை செய்யத்துவங்கினார்.

அவர் சில  பரிசுகளை  வாங்கி வீட்டில் வைத்துக்கொண்டு நண்பர்களுக்கு கொடுப்பது வழக்கம்.

வீட்டில் கிட்டத்தட்ட இரநூறு பரிசுகள் கூட இருக்கும்.

ஒரு சுபயோக சுபமுகூர்த்த நாளில் அப்பாவின் நண்பர் ஒருவர் தயங்கித் தயங்கி வீட்டிற்குள் வந்தார்.

கையில் அப்பா அவருக்கு கொடுத்த பரிசு.

என்ன சார்?

நாங்க இதையெல்லாம் எங்க வீட்டில் வச்சுக்குற பழக்கம் இல்லை சார் அதான் கொடுத்துட்டு போகலாம்னு வந்தேன் என்றார்.

அப்பாவின் முகத்தைப் பார்க்க வேண்டுமே!

அவர் அப்பாவின் பரிசை மேசை மீது வைத்துவிட்டு வரேன் சார் என்று சொல்லிவிட்டு சென்றுவிட்டார்.

அப்பாவிற்கு மட்டுமல்ல எங்கள் அனைவருக்குமே அதிர்ச்சியாகத்தான் இருந்தது.

ஆமா, அப்படி என்ன பொருளை வீட்டில் வைத்துக்கொள்வது இல்லை என்று சொன்னார் அந்த பெரிய மனிதர் என்று கேட்கிறீர்களா?

வேறொன்றும் இல்லை

பாரதியார் கவிதைகள்.