ஒவ்வொரு
நஞ்சுக் குப்பியிலும்
ஒட்டுத்தாள் ஒட்டினார்கள்
ஒவ்வொரு குப்பியின்
ஒட்டுத் தாளிலும்
ஒவ்வொரு நாட்டின் பெயரை எழுதினார்கள்
மூன்று குப்பிகள்
மிச்சப்படவே
எல்லா நாடுகளின் பெயரும் எழுதியாயிற்றா என்று
சரி பார்த்தார்கள்
எல்லா நாடுகளின் பெயர்களை எழுதியபின்னும்
மூன்று குப்பிகள் மிச்சமாய்தான் இருந்தன
என்ன செய்வதென்று முதலாளியைக் கேட்டார்கள்
பத்திரமாய்
வைக்குமாறும்
ஏதேனும் நாடொன்று உடையும் நேரத்தில்
தேடித் தயார் செய்ய இயலாது என்றும் சொன்னவனை
யாரென்று மட்டும்
கேட்டுவிடாதீர்கள்
வெள்ளையாய் இருக்கும்
அவன் வீடு என்பதைத் தவிர
சொல்வதற்கு ஏதுமில்லை
என்னிடம்
#கவிதை2025edn
#கவிதைedn
Comments
Post a Comment
வருக வருக